Bloggleti og útilegur

Jæja, hér hefur ekki verið skrifað í ár og öld eða allavega vikur og mánuði. Ástæðan er að hluta til sú að ég gleymi alltaf lykilorðinu hér inn þegar ég ætla að skrifa eitthvað, er algjör gullfiskur. Svo er þetta á öðru aðgangssvæði en gmail pósturinn minn hjá Google, en nú er ég búin að breyta því og get fari inn á bloggið án þess að þurfa logga mig inn og muna lykilorðið. Kannski það verði til batnaðar, og ég skrifa oftar, hver veit. Ekki það að trúlega er engin að lesa þetta :-), er trúlega ein tal sálarinnar.

Við fjölskyldan erum að fara í útilegu um helgina á okkar fjallabíl og fellihýsi. Þegar í útilegu er haldið þarf að spá í veður og vinda eða öllu heldur sól og rigningu. Þetta er ekki auðvelt verk því spáin breytist dag frá degi og meira segja stundum yfir daginn. Í gær átti að vera gott verður á suðurlandi á föstudeginum en í dag segir spáin að það rigni þar og líka á laugardaginn, en góða við spána í dag er að hún spáir sól á sunnudaginn. Það er þá hægt að taka upp í þurru, það er nú jákvætt :-)
En þar sem hópurinn sem við erum að fara með í útlegu er svo jákvæður og skemmtilegur þá held ég að við lendum í góðu veðri, því gott veður er bara hugafar, hvað er vont og hvað er gott? Er það ekki bara það sem við ákveðum að sé gott og hvað vont?
LuGan ættin lætur ekki smá rigningu hafa áhrif á sig, eða alla vega ekki mikil :-)

Var ekki komið sumar??

Í bjartsýni minni í morgun rauk ég út í þunnum jakka í stuttermabol undir, þess fullviss að sumarið væri komið, skildi kuldagallan eftir heim á eldri stelpuna, en fór inn að ná í hann aftur. Ok, veit að sumardagurinn er ekki fyrr en á fimmtudaginn og kannski of snemmt að fagna ennþá, en þá ætlar líka dóttir mín í stuttbuxur og ekkert múður. Er alveg komin á það eftir þennan vetur að ef ekki væri nema fyrir bjartsýni okkar íslendinga um að betri veður sé alltaf handan næstu lægðar, þá væri þessi eyja í eyði. Það á allaveg við mig, ég lifi á því að þetta sé nú síðasta kuldahretið og jú að ég komist út til Köben kannski aðeins meiri hita en 10° í lok maí.

Sumrið er að koma bara daga spursmál hvenær það dettur inn, kannski ein vika, einn mánuður en það kemur.

Ætla ekki að reyna að segja að ég hafi verið dugleg að skrappa því það hefur bara ekkert gengið hjá mér, tímin fer í mikilvægari verkefni þessi kvöldin, en eftir sumardaginn fyrsta þá kannski næ ég að skrappa. Núna fara öll kvöld í að llesa yfir, laga, breyta og pússa heimasíðuna ættleiðing.is, skemmtilegt verk en tímafrekt, við erum nokkrar kvinnur í þessu verki og þetta þarf að klárst fyrir sumardaginn fyrsta sem það audda gerir.

Það er samt svo merkilegt að mér finnst líf mitt alltaf vera fullt af svona verkefnum sem ég þarf að klára á kvöldin þegar ég á minn frítíma frá vinnu og börnum. Ég virðist alltaf geta tekið á mig verkefni sem þarf að vinna, svo held ég alltaf að þegar þetta verk sé búið þá loksins hafi ég tíma en þá bara tekur annað við. Áður en ég byrjaði á þessu verki þá var ég í skattframtölum, er sem betur fer farin að kunna að segja nei þannig að ég slapp vel í ár. Þegar heimasíðan er komin í lag þá tekur við eitt lítið uppgjör í framkvæmdarstjórastöðunni minn, já vissuð þið að ég er framkvæmdarstjóri :-) yfir fyrirtæki sem á bara þó nokkuð af eignum, en ég er samt eini starfsmaðurinn í því og er búin að vera í vel rúmt ár, en furðulegt nokk ég hef ekki fengið krónu í laun, en samt mátti ég ákveða launin mín næstum sjálf. humm ekki í lagi.

En það getur verið gott að eiga inni hjá góðum eins og tengdó segir gjarnan, því ef ég fer nú að kaupa mér nytt hús þá er nú gott að eiga rúmlega árs framkvæmdarstjóralaun inni, ekki satt.
Fer að skoða einbýlishús í dag sem mér líst alveg einstaklega vel á er sett alltof mikið á, þannig að ég hef engan vegin efni á því, en það sakar ekki að skoða og kannski prófa að bjóða það sem við erum tilbúin að borga fyrir það, sérstaklega á þessum síðustu og verstu tímum í fasteignakaupum og ekkert selst, spurning hvort okkar selst ???? vantar einhverjum hús á besta stað í bænum??

Jæja nóg að af skrifum, best að vinna pínu pons og fara svo heim að leika við stelpurnar mínar :-) þar til ég fer að skoða húsið, gaman

Loksins ný síða

Já há, það er nebbblilega það, humm. Mér er ekki ætlað að ná að skrifa mikið hér inn. Ætla nú samt að skrifa hér núna enda búin að eina skrappsíðu og um að gera að halda upp á það með birtingu á henni :-) Hún er af henni yndislegu yngri dóttir minni, sem alltaf getur brætt mig með brosi sínu. Myndin af henni er þar sem hún situr makindalega með gleraugun mín, en þær systur vildu einn daginn endilega frá að prófa þau. Þar sem ég er ekki búin að birta myndina af eldri stelpunni heldur þá fær hún að fljóta með hér líka.

þori nú ekki að segja mikið en vonandi næ ég að vera duglegri að setja eitthvað inn hér þegar ég næ að klára síður, nú eða bara smá þankagangur um lífið og tilveruna en ekki bara skrappið eins og nafnið á síðuna segir til um.

Það er með þetta að taka sig á og skrifa, það er ekki að virka fyrir mig svo mikið er víst. Þrátt fyrir einbeittan vilja þá gengur bara ekkert í þessu skriftarátaki. Þegar ég svo var komin í skriftar stuð þá bara gat ég engan vegin munað hvað lykilorðið er og ekki einu sinni munað að ég hafi skrifað það niður í lykilorða forritið mitt. En ég hef reyndar verið haldin alsherjar gleymsku á lykilorð síðustu daga, gleymdi lykilorðin á einkabankan minn hjá LÍ og líka hjá Kaupþingbankanum. Það er svona þegar maður þarf að hafa að gang að mörgum netbönkum þá hlýtur minnið í manni að hrynja af og til, að muna fyrir 10 bankaaðganga er farið að valda mér smá ruglingi á köflu.

Skrapplífið hefur verið frekar dapurt upp á síðkastið, hef aðeins náð að gera 2 síður það sem af er janúar, þar kemur inn í að við hjónin vorum að hafa vistaskipti, eiginmaðurinn farin út í sjálfstæðan rekstur og fékk því bílskúrinn fyrir sig og ég herbergið, held að þetta séu mjög góð skipti, ég nær stelpunum þegar þær detta í leik eða horfa á sjónvarpið og hann í meira næði þegar hann þarf að vinna. HVer veit nema ég nái að afkasta eitthvað núna fljótlega, nóg af hugmyndum í kollinum á manni sem mig langar til að framkvæma, en alltaf smá spurningin um tíman.

Ég er hætt að fara í átak í skriftum hér en á vonandi eftir að lífga þessa síðu aðeins við, þó ekki sé nema með almennum þankagangi um lífið og tilveruna en þó skrappið þegar það kemur eitthvað frá mér.

Þar til síðar en vonandi ekki ári síðar, farið vel með ykkur ef einhver rekst hér inn ennþá :-)

Allt tekur sinn tíma

Jedúramía, hvað tímin líður hratt, það er komin mánuður síðan ég skrifaði hér síðast og þá þóttist ég ætla að taka mig á. .....hér líður langur tími frá því ég skrifa fyrstu setninguna þar til ég skrifa þetta hér... Já, ég er búin að fatta út af hverju ég skrifa svona sjaldan hér inn, það vantar tíma og frið til að komast í að skrifa heila færslu án truflunar. Ég byrjaði sem sagt á að skrifa þessa færslu að mig minnir upp úr hádegi á meðan lítil dama svaf, sú stóra var heim í dag þar sem mér fannst hún hósa ferkar mikið í morgun, en þegar til kom þá hætti hún að hósta þegar ég var búin að hringja upp á leikskóla humm. Við höfuðum það bara notarlegt hér heima og fengum góða gesti seinnipartin, en frá því ég byrjaði að skrifa þessa færslu og þar til nú um 10 tímum síðar hefur verið alveg nóg annað að gera en að skrifa á bloggið, svona eru nú flestir dagar hjá manni. En alltaf gott að hafa nóg að gera í krinum tvær litlar skottur. Og þegar maður nær að setjast niður reynir maður að gera eitthvað í skrappinu.

Ég náði nú að gera eina síðu í gær með því að setjast niður í hvert sinn og færi gafst og rúmlega það. Myndirnar eru svo lýsandi fyrir vináttu þessara tveggja stelpna, þær eru svo miklar vinkonur.

Ég notaði í þessa síður kitt sem heitir Beautiful Journey og er eftir Michelle Coleman. Skrautið og síðan sem er í mottunni undir myndunum er reyndar frá öðrum kittum héðan og þaðan. Ég notaði template en tók mest af því sem þar var út nema myndirnar tvær og hringinn, finnst oft gott að nota þau sem grunn og breyta og bæta svo sjálf við, enda hef ég alltaf átt erfitt með að fara eftir uppskriftum. Sá þennan texta á ensku og fannst hann alveg smella við þær stöllur og snéri honum yfir á hið ilhýra, er svo lítið fyrir enskatexta á síðunum mínum :-)

Ég gerði líka þessar tvær hér að neðan en það er svo langt síðan að ég var búin að gleyma þeim sjálf, trúlegar gerðar í ágúst lok, mann ekkert úr hvað kittum þetta er og nenni enganvegin að grafa það upp :-(

Núna er ég að skrappa svona litla myndakassa sem ég tek myndir af þegar ég er búin með þá, þeir eiga að að vera gjafir handa góðum vinum, smá þakkargjöf. Ég verð trúlega að gera þannig kassa líka handa Ellý því henni finnst þær bara æðislegir og vildi nú helst bara fá að eiga þá sjálf. :-) Jú, svo er ég búin að gera nokkur kort líka en ekki búin að skanna þau inn ennþá :-(.
Ég bíð svo eftir frekar stórri sendingu með stimplum í jólakortin og missti mig svo í pöntunar lista með stimplum og pappír í kort og á því von á öðrum pakka líka, svo núna verð ég að vera dugleg að skrappa í pappír og gera kort til að hreinsa til í samvisku minni yfir þessu kaupæði í mér :-) En ég fékk jú svo góða kaupkvatningu frá elskunni minni þannig að ég get kennt honum um þetta allt :-)

Fyrstu kortin af einhverri alvöru

Ég hef nú einhvern tíman gert kort áður en svo sem aldrei verið neitt súper ánægð með þau, einhver viðvaningsbragur á þeim fannst mér alltaf. En nún er ég búin að gera 4 stykki og sum eru jú með viðvaningsbrag en önnur er ég bara nokkuð ánægð með. Þetta er voða gaman og endar trúlega með dellu hjá mér eins og svo mörgum skrapppíum sýnist mér :-)

Hér koma kortin mín fjögur:

Þetta er fyrsta kortið og er nú bara svona lala finnst mér, var bara gert til að prófa böggið mitt.

Þetta er með kínaþema, enda undir miklum áhrifum frá því landi dagsdaglega :-) er stimplað með gylltu bleki en skannast ekkert voðalega vel.

Þriðja kortið sem ég gerði og er stimplað með stimpli úr SG kittin, einn af þeim sem ég hef fengið úr því og aldrei notað, úff. klippti út úr hjartanum og skellti útprentun af músinni þarna undir.

Það síðasta sem ég gerði í morgun blágærni grunnurinn er gerður svona með bögginu mínu æðislega :-) og músarmyndin er nú bara útprentun af myndinni þar sem ég á enga svona flotta stimpla :-( verð trúlega að fara í stimplaleiðangur á netinu fljótlega ef kortin ná tökum á mér. Til hamingju er prentað út og svo er smá rubon á þessu líka. Bara nokkuð ánægð með þetta kort, er bara allt að koma hjá mér, svei mér þá. Æfingin skapar meistarnann.

Nú ætla ég að reyna að skella í eitt jólakort á meðan litla daman sefur og sú eldir dundar sér frami :-)

Öll komment vel þegin, góð sem slæm

Þrjár nýjar úr tölvuskarppinu

Þó maður geri nú ekki mikið í skrappinu þessa daganna þá detta samt ein og ein síða inn hjá mér, er búin að gera þessar þrjár síðustu vikurnar.

Þessi fyrsta er með myndum af okkur mæðgunum í rólóferðini, þeirri sömu og síðan er frá í síðustu fræslu.

Þessi er af þeim kínasystrum, Herdísi, Rakel og Elísabetu sem komu heim saman í hóp 15 í janúar 2005.

Þessi finnst mér æðisleg og þar sem mér finnst myndin af Herdísi svo góð þá sett í ég bút úr laginu "Undir þínum áhrifum" á síðuna, en það lag spilaði ég mikið síðustu vikurnar í biðinni okkar eftir Herdísi því jú ég var undir miklum áhrifum af henni, eftir að ég sá myndirnar af henni. Ellý stóra systir segir að þetta sé lagið okkar um Herdísi og þannig er það líka. Þessi unga daman hefur líka ótrúlega mikil áhrif á mann alla daga, svona glöð og skemmtileg, þannig að allir dagar verða bara yndislegir með þeim systrum.

Nú er ég að dunda mér við kortagerð svona fyrstu skrefin í því, búin að fá mér svona Cuttlebug eða Böggið eins og þær skrapppíurnar kalla það. Búin með eitt svona prufu kort og ætla að reyna skella í annað eftir hádegi þegar litlar skottur sofa.

Ekki vera feimin við að kommenta, alltaf gaman að fá smá kveðju á síðuna. Þar til næst, góða helgi

Ein glæ ný

Var að gera þessa síðu í tölvuskrappinu í kvöld, fínt að horfa á einn sjónvarpsþátt og gera eins síðu í leiðinni. Myndirnar eru síðan við fórum fjölskyldan í göngutúr á leikvöll í næsta hverfi, Ellý kallar þetta leiksvæði fyrir Ellý róló en hún og pabbi hennar hafa farið í nokkur skipti á hann. Herdís skemmti sér konunglega eins og alltaf og það gerðum við reyndar öll, fengum sms á meðan dvöl okkar stóð og okkur óskað til hamingju með daginn og þá mundum við hjónin að þetta var víst afmælisdagur okkar hjóna, sem sagt 12 ára brúðkaupsafmæli :-) þann 29. júlí. Erum svo heppin að vina hjón okkar eiga líka brúðkaupsafmæli á þessum degi nema bara 5 árum síðar sem þau giftu sig.

Hér kemur síðan með myndum af Herdís, á svo eftir að gera af Ellý, því nú þarf jú að gera af þeim báðum.

Hér er svo síða sem ég gerði í pappírs skrappinu, en við fórum á mánudaginn í góðra vinahóp í Heiðmörk í göngutúr og leik og áttum alveg frábæra stund þar saman. Herdís litla blómálfurinn minn fannst þessi ferð alveg æðisleg og var í essinu sínu. Síðan skannaðist ekki alveg nógu vel inn en læt það duga. Það náðust ekki margar góðar myndir af Ellý Rún þar sem hún var oftst að fela sig og leika úlf í skóginum.

Langt síðan síðast en samt á lífi ennþá

Ekki hægt að segja að það rigni inn innleggjum hér þessa daganna, enda nóg annað að gera þessa daganna í að vera í fríi. Er samt búin að ná að skrappa aðeins en engin óskup. Búin með tvær pappírs síður og nokkrar digital.


Fyrst af pappírs síðun þær eru báðar gerðar eftir LO eftir hana Þórunn skrappara, sú fyrri er með myndum af snúllunum mínum í veiðiferð fyrir vestan við Grundarfjörð, voru eins og þær hefðu ekki gert annað en að veiða, skemmtu sér vel og stunda stíft æfingar í að kasta. Seinni síðan er með myndum af okkur fjölskyldunni sem var tekin eftir skemmtilega stund hjá okkur, þar sem stelpurnar fengu að mála hvora aðra og okkur líka, það sem þeim fannst það gaman og fyndið að hafa okkur svona. Ég gleymdi svo að þvo mér og var komin hálfaleið út í búið þegar ég leit í baksýnisspegilinn og sá að ég var frekar of skrautleg til að fara í búð svona og snér heim til að þvo mér í framan hehe. Ein sem þolir ekki of mikla athygli í búðum hihi. Þetta er trúlega besta fjölskyldumyndin af okkur sem hefur verið tekin og við tókum hana sjálf :-)

Digital síðurnar eru orðnar nokkar, en samt ekki nógu margar, er að reyna setja saman síður á meðan við hjónin sitjum og horfum á Frost þætti, ég sem horfi aldrei á sjónvarp nú orðið er farin að leggjast í svona gláp á einstaka þáttum. Næ stundum að gera eina síðu yfir þætti, alltaf að nýta tíman sem maður hefur á kvöldin til hins ýtrasta.

Hér koma svo þrjár af digital síðunum sem ég er búin með.






Líður vonandi ekki svona langt á milli skrifa næst.

Komin heim aftur

Þá er maður komin heim aftur úr Danmerkurferðinni, var stoppað stutt heima eftir heimkomu þaðan. Rétt náðum að taka upp úr töskum og þvo til að pakka niður aftur og skella í töskur til að fara í útilegu með Kínahópnum okkar sem fór með okkur út þegar við náðum í Ellý Rún. Frábær helgi með 9 skemmtilegum fjölskyldum og 11 yndislegum börnum, því þeim hefur jú fjölgað um 2 síðan við komum heim með stelpurnar 10 (vantaði þvi miður eina fjölskyldu í útileguna) og við sjáum fram á ennþá meiri fjölgun í hópnum, erum að vona að það verða jafnvel komin 3 börn í hópinn í viðbót í útilegu að ári og vonandi 3 í viðbót ef ekki fleiri eftir 2 ár.

Að skrappinu, ég var ekki eins duglega að tölvuskrappa og ég hafi ætlað mér í fríinu, náði aðeins að gera tvær tölvuskrappsíður með myndum af þeim systrum. Maður var einfaldlega bara svo þreyttur á kvöldin að ég nennti ekki neinu nema lesa og horfa á imban. Hitinn gerir mann latan svo ekki sé meira sagt, norðankulið hér heima hressir mann við og maður verður ekki svona dasaður. Ég er með á dagskránni að taka til í skrappherberginu mínu í vikunni og koma mér í skrappgírinn á kvöldin í það minnsta. Verð trúlega að fara vinna nokkra morgna núna næstu daga en skrappa svo bara þegar rignir á daginn þegar ég kem heima, en vonandi verða nú ekki margir rigningardagar í sumar.

Þessi mynd er tekin á fyrsta degi okkar úti í Danmörk, en þá var smá rigning hjá okkur, þeim systrum fannst svo gaman að ganga í gegnum grasið sem náði þeim næstum uppfyrir haus.

Við skelltum okkur svo á ströndina hjá bústaðinum til að taka hana út, hún var bara fín og var farið þanngað aftur en þá með sundfötin með sér. Þær systur dunduðu þarna vel og lengi og fannst voða gaman að sulla í sjónum.

Farin og búin að vera....

... ekkert hægt að gera, annað en að fara í bólið og sofa þar til tími er til að vakna og skella sér út á flugvöll og taka næstu flugvél til Danmerkur og vona að þar verði sól og hiti næstu 3 vikurnar. Hér er allt búið að vera á fullu að pakka á milli þess að maður sígur upp í nef sér og tekur nokkar hóstakviður og snýta yngsta fjölskyldmeðliminum. Náðum fjölskyldan í þetta fína kvef svona rétt fyrir brottför, náðum þó að pakka og mæta í fermingarveislu í dag í Grundarfirði. Núna á allt að vera komið í töskurnar og bara eftir að fara í huganum hvað það gæti mögulega verið sem við erum að gleyma, alltaf sama tilfinningin sem fylgir manni úr hlaði. Er voða stólt af mér hvað ég náði að pakka litlu niður miðað við það að ég er að pakka niður fyrir fjóra plús smá Cherioos og rúsínur handa dönsku íslendingunum okkar að ógleymdum íslenska fánanum svo þau geti nú flaggað á 17. júní og öðrum titli dögum.

Hef ekki skrappað síðan í diskurinn minn góði féll í yfirlit og vaknaði ekki aftur, en hver veit hvað gert verður í danaveldinu á góðum kvöldum, tölvan með og ný flakkarinn líka, búin að fá afrit af öllu aftur og ekkert að vanbúnaði. Sjáum hvað setur svo, ef ég verð dugleg þá kaffæri ég blogginu með nýjum síðum. Verður trúlega ekkert netsamband þar sem ég verð til að blogga en ef svo verður ætla ég að reyna að hanga ekki á netinu en hendi kannski inn einni og einni færslu með síðum sem ég geri. Sjáum hvað setur.

Segi bara bless í bless og hafið það gott og vonandi fer hitastigið hér á landi hækkandi á meðan ég heiðra dani með nærveru minni, þannig að við þurfum ekki að framlengja dvöl okkar þar mikið.

Hilsen

Gæti grátið...

.. eða í það minnsta felt nokkur tár. Ég er búin að safna að mér dágóðu safni af digital skrappdóti og setja á flakkarann minn og hafði lika vistað allar siðurnar sem ég hef verið að gera síðustu vikur á honum. Í gær var ég eitthvað að selflytja tölvuna og flakkarann á milli borða og BÚMM flakkarinn datt í gólfið. Mátti ekki vera að því að pæla neitt í því akkúrat þá, en setti hann svo í samband í gærkveldi og UHHHHH ekkert gerðist. Talvan bara fann ekki flakkarann. Þá var að kalla á tölvuséníið mitt sem alltaf getur lagað allt fyrir mig sem mér tekst að klúðra en viti menn hann gat ekki gert neitt, diskurinn bara ónýtur, handónýtur og ekki hægt að laga. Fékk að heyra að maður ætti ekki að henda svona diskum í gólfið, það færi ekki vel með þá, hummm ég vissi það ekki, hafði alltaf hent honum í gólfið nokkrum sinnum á dag. ARG í GARG.

Mér til mikils happs og það sem kom til þess að tár mín urðu ekki mjög mörg var að ég var ný búin að afrita næstum allt eða um 90% af öllum digital kittunum mínum yfir á tölvu vinkonu minnar, öllu nema Template safninum mínu sem ég verð trúlega að fara í að safna aftur, gæti þó verið að þau leyndust á tölvu hjá annarri vinkonu minni. Þökk sé Lilju digital séní og hennar bloggi þá get ég nálgst því sem ég var búin að safna þaðan aftur. Fékk svo nýjan flakkara í dag með þeim skilyrðum að ég mætti ekki henda honum í gólfið og yrði að fara vel með hann. ÚFF ætli maður verði ekki að reyna standast þá freisn að henda þessum í gólfið eins og hinum. Er komin með vinkonuflakkarann í hendurnar og nú er bara að copera yfir aftur og endurgera nokkrar síður.

Eins og ég var búin að sjá að tölvuskrappið væri á margan hátt þægilegra en pappirsskrappið þá gleymdi ég að taka inn í dæmið að maður gæti átt það á hættu að missa út alla sina vinnu við eitt svona slys. Pappírsíðurnar hverfa ekki svona, en maður getur jú eyðilagt þær á annan hátt.

Tvær nýjar

Búin að skrappa tvær tölvuskrappsmyndir síðustu daga, afköstin ekkert verið gífurleg þar sem ég datt ofan í sjónvarpsgláp í fyrsta sinn í ótrúlega marga mánuði. Hef ekki setið á kvöldin og horft á sjónvarp síðan ég veit ekki hvenær, trúlega í ár eða meir. Fyrir valinu var Desperat Housewafe, ég sá fram á að ég yrði aldrei hæf í umræðu á elliheimilunu þegar þar að kemur ef ég fer ekki að horfa á eitthvað af þessum þáttum sem allar konur á íslandi horfa á. Ég á þvi mikið verk eftir óunnið í sjónvarpsglápi því þetta er svo margir þættir og margar seríur og svo eru fleiri þættir sem ég á líka eftir að vinna upp. Góða við þetta að ég næ að horfa á alveg 3-4 þætti á kvöldi ef ég er dugleg og sit við og næ að skrappa kannski 1-2 myndir þegar ég fer að þjálfast í að skrappa með í tölvunni.

En hér koma þessar síður sem ég er búin að gera síðustu daganna.

Sú fyrsta er unninn eftir LO sem er svona fyrirfram gert, það er úr kitti sem heitir Playful spring og fyrirsætan er hún Herdís að leika sér í Hreyfilandi, en þar erum við í leikfimi einu sinni í viku og hún alveg elskar að vera þar.



Næsta síða er gerð eftir LO sem Þórunn setti inn á ættleiðingarskrappspjallið okkar og við áttum að skrapplyfta. Þar er sama fyrirsæta að borða banana og nokkuð roggin á svipinn. En henni finnst hún voða stór þegar hún situr upp í stólnum hennar Ellýar og borðar banana þar, eins og sjá má. Þessi síða er úr kitti sem heitir Shade Garden.

Blómabörn og Sólargeislar

Já, það er fjör og það er fjör, og svona líka í þessu tölvuskrappi. Ég er alveg að missa mig í því eins og kannski sést á fjölda mynda hjá mér. Sat við í gærkveldi eftir að litlar dömur voru komnar í fasta svefn og tölvuskrappaðist á fullu. Á orðið gott safn af kittum, þökk sé Lilju tölvuskrappsdrottningu og nóg úr að velja því af pappír og dúllerí.

Ég gerði blómasíður af blóma stelpunum mínum úr þessa flotta kittum sem ég notaði í síðustu færslu, finnst litirnir í því svo fallegir, brúnt og bleikt er voðalega mikið inn hjá mér þessa daganna. Notaði fyrirfram gert LO og því fljótlegt að skella svona síðum saman. Hér má sjá myndir af blómastelpunum mínum:

Svo gerði ég eina svona í hefðbundum litum með sólargeislum lífs míns, Lo er líka svona fyrirfram mótað en ég breytti því aðeins, hef aldrei getað farið beint eftir uppskriftum og alltaf breytt út af þeim og á trúlega eftir að gera það í þessu föndri líka eins og annarri handavinnu sem ég hef tekið mér fyrir hendur.

Að lokum gerði ég þessa, finnst litirnir í henni alveg æðislegir og tala nú ekki um fyrirsætuna sjálfa, hún er nú alltaf jafn falleg. Ég breytti þessu LO þó nokkuð, það var dútl á henni sem mér fannst ekki nógu fallegt og sett því þetta overlay í staðin yfir, bæti nokkrum fiðrildum við og strokkaði smá út af því, þar sem það lenti ekki á réttum stöðum. Mér finnst myndin ekki þurfa neinn titill, hún stendur alveg undir sér án hans.

Áfram í tölvuskrappinu

Þar kom að því að ég set hér inn nýjar síður, er búin að vera að dunda aðeins í digitalskrappinu og finnst það voða gaman. Allt pappírsdótið liggur bara eitt og yfirgefið í föndurherberginu og enginn nennir að klappa því :-( . Ætli ég fari samt ekki að gefa því smá klappa fljótlega, má ekki detta út úr þvi alveg með allt nýja dótið sem ég á :-)


Ég er sem sagt búin að vera gera bæði síður sem eru svona imbaprúf þar sem ég geri lítið annað en að setja inn myndirnar, skreytti samt smá og gerði jú titla á það líka. Svo er ég búin að gera eina mynd þar sem ég nota svona Template þar sem búið er að gera formið á pappírnum getur maður sagt, svona fyrir þá sem ekki þekkja þetta, og þá þarf maður ekki að vera "klippa" pappírinn sjálfur til í forritinu. Voða þægilegt og fljótlegt form á þessu og maður bara velur pappír þar til maður er ánægður með niðurstöðuna og skreytir svo að vild. Hrein snild.

Hér koma svo herleg heitin, þessa fyrstu gerði ég svona til að prufa að vinna með template og hún er með mynd af Herdísi.

Svo gerði ég fjórar af þeim systrum í nýja sumar outfittinu sínu. Keypti á þær stuttbuxur, boli og derhúfur í Next á föstudaginn og það er óhætt að segja að þessi búningur sló í gegn. Þær vildu ólmar máta þegar þær sáu fötin og frá því kl. 4 og til 8 um kvöldið skottuðust þær um í fínu sumarfötunum sínum og fannst þær vera voðalegar fínar. Það var tekið mikið af myndum af þeim, enda ekki annað hægt þegar svona sætar stelpur og skemmtilegar eru annars vegar. Hlaupandi og knúsandi hverja aðra hér í gríð og erg svo montar með Danmerkur sumarfötin sín.

Finnst alveg snild að nota svona fyrir uppteknar húsmæður sem taka mikið af myndum en hafa ekki endalausan tíma í að skrappa þær, sparar líka að nota tölvuskrappið ef maður vill gefa þeim báðum albúm með myndum af þeim saman og sundur. Þetta kitt er eftir Alma Townsend og heitir Not Too Shabby, mjög flott og ég ætla mér að nota það meira og gera líka sjálf síður úr þessum pappír sem í því er.

Fallinn

Ég er fallinn og það illa, verð trúlega bara húkt næstu daganna. Við hittumst nokkrar frábærar konur í gærkveldi í þeim tilgangi að deila þekkingu og efni okkar á milli varðandi tölvuskrapp og lærðum allar eitthvað og komum flestar ríkari heim að allskonar digitalkittum til að nota í þessa hlið skrappsins. Ég hef svo gert síður áður í tölvuskrappinu en einhvern vegin ekki komið mér í að halda áfram í því aftur, gerði þó nokkrar fyrra og hitti fyrra en svo ekki söguna meir. En núna er ég búin með eina og hana er að sjá hér til hliðar. Hún er gerð í template sem er búið að hanna fyrir mann og svo er bara að velja liti á pappírnum og myndina sjálfa og skraut og raða því saman, voðalega fljótlegt. Ég er reyndar ekki alveg sátt við titilin hjá mér en það er líka það góða til tölvuskrappið að það er ekkert mál að laga og breyta hvenær sem er. Myndin af þeim systrum er tekin í síðasta snjónum sem kom, þar sem þær voru úti að leika í langan tíma og ekki á því að koma inn þrátt fyrir að vera orðnar vel kaldar. Ætla að gera fleiri síður frá þessari útiveru þeirra.
Ég sé alveg fram á að ég geti gert þó nokkrar svona síður handa dætrum mínum og prentað þær út í tveimur eintökum handa þeim til að þær geti átt hvor sitt eintakið að skoða.
Ég á nú samt ekki eftir að segja skilið við pappírsskrappið því það er jú aðeins annað að sitja og handleika pappír og dótið og dunda við að líma það niður og klippa en að sitja hér við tölvuna og skrappa.

Gleðilegt Skrappsumar

Svei mér þá ég held að heilin hafi skroppið saman í dag eða bara skroppið í frí. Sem sagt skrappheili. Eða það hafi frosið saman sumar og vetur í heilabúinu mínu.

Ég fór í Smáralindina í dag með stelpurnar mínar að horfa á lítinn frænda minn syngja með söngskóla Maríu og horfa á Skoppu og Skrítlu auðvitað. Nema þegar við erum á heimleið fór ég í Nóatún að kaupa smá og þaðan í Ísbúiðina að kaupa ís. Þegar ég er búin að bíða í lengri tíma í ísbúðinni þá sé ég að ég hef gleymt pokanum mínum í Nóatúni og fer að ná í hann og fer svo heim. Þegar heim er komið og ég fer að taka dótið út úr bílnum sé ég að ég hef gleymt íspokanum í ísbúðinni.

Er hægt að vera svona innilega heilalaus, finnst ég bara heppin að hafa munað eftir báðum
stelpunum. Var ekkert smá fúl búin að hlakka til að gæða mér að ísnum úti í sólinni í hengirólnunni :( Maðurinn minn fór því og keypti nýjan ís handa okkur og hughreysti mig um að þetta gæri gerst hjá bestu konum. Eitt er víst það verður tekin aukaskammtur af Omega 3 næstu morgna til að reyna stækka þetta heilabú aðeins.

Af skrappinu er það annars að frétta að ég er búin með þrjár síður í ferðaalbúminu okkar frá Danmerkurferðinni í fyrra og byrjuð á 4. Sé samt fram á að þetta verði frekar margar síður þar sem myndirnar eru alveg grilljón og auðvitað margar sem verður að skrappa úr.

Gleðilegt skrappsumar, hér á þessum bæ á að skrappa sem aldrei fyrr í sumar, enda af nógu af taka.

Ískápsdansinn

Þær halda áfram að verða til hjá mér síðurnar, og hér kemur sú nýjasta. Þessi er með myndum af henni dóttir minni yngri að dansa ísskápsdansinn, sem hún tekur stundum. Frá því hún kom heim með okkur þá hefur hún verið mjög svo hrifin af ísskápnum og er mikið í því að opna hann og fá sér sæti þar inni, mundi trúlega loka honum á eftir ef hún gæti. Þennan daginn tók hún með eindæmum góðan dans við ísskápinn og miklar dífur. Auðvitað er nauðsynlegt að standa upp á þessum græna dalli þegar maður tekur svona snúning.

Í síðuna notaði ég pappír úr Basic grey í 6x6 blokk og klippti út með munstursskærum sem eru að detta aftur inn í tísku, baksíðan er líka Basic grey en titillinn er frá MM (making memory) Svo voru auðvitað notaðir flottur dútl stimplarnir mínir nýju og ekki sé talað um bling steinarnir mínir sem ég fjárfesti í dag í. Fór sem sagt í Föndru og fann þessa líka flottu steina og keypti eina 1050 steina, í nokkrum litum og nokkrum gerðum. Vá hvað ég get skreytt síðurnar mína næstu vikurnar. Verða allir komnir með bling í augun, hehe. Lo er hannað af mér, bara svona út í loftið.

Síða eftir mig inn Basic grey

Ég prófaði í gær að senda síðu eftir mig inn á galleríið hjá Basic Grey sem er framleiðandi af flottasta pappírinum í skrappheiminum, eða alla vega með þeim flottari. Ég hugsaði sem svo að mín síða ætti svo sem alveg heima þar eins og svo margar aðrar sem þar eru og sendi inn. Þeir velja svo úr þær sem þeir vilja birta og auðvita fannst þeim mín síða bara flott og settu hana inn á galleríið sitt, nema hvað??